Time to Travel…
Get ready for the long awaited family vacation!
കുട്ടികളും മുതിര്‍ന്നവരും ഒരുപോലെ കാത്തിരുന്ന അവധിക്കാലം അടുത്തെത്തി. ജീവിതബന്ധങ്ങളെ കൂടുതല്‍ ഊഷ്മളമാക്കാന്‍ കുടുംബത്തോടൊപ്പം ഒരു യാത്രയാകാം. ഇന്ത്യയില്‍ നിന്നും വളരെ കുറഞ്ഞ ചെലവില്‍ കൂടുതല്‍ കാഴ്ചകള്‍ ആസ്വദിക്കാനാകുന്ന രാജ്യങ്ങളിലേക്ക് ട്രിപ് പ്ലാന്‍ ചെയ്താലോ. വൈവിധ്യമാര്‍ന്ന കാഴ്ചകളും അനുഭവങ്ങളും സമ്മാനിക്കുന്ന 3 ഏഷ്യന്‍ രാജ്യങ്ങള്‍.
ഏഷ്യയിലെ ഏറ്റവും സമ്പന്നമായ രാജ്യങ്ങളിലൊന്നായ സിങ്കപ്പൂര്‍. ഇന്ത്യയോട് ഏറ്റവും അടുത്ത് കിടക്കുന്ന ഈ കുഞ്ഞു രാജ്യത്തേക്ക് കുറഞ്ഞ ചെലവില്‍ സുരക്ഷിതമായൊരു യാത്ര പ്ലാന്‍ ചെയ്യാം. ഏഷ്യയിലെ തന്നെ ഏറ്റവും വൃത്തിയുള്ള രാജ്യമായി കണക്കാക്കപ്പെടുന്ന സ്ഥലമാണിവിടം. മനോഹരമായ സ്ട്രീറ്റുകളും റിസോര്‍ട്ടുകളും അത്യാധുനിക മാളുകളും രുചികരമായ ഭക്ഷണവും സൗഹൃദവും ഒത്തുചേരുന്ന ഇടം. രാത്രി കാഴ്ചകളും അത്യകര്‍ഷകമാണ്. നിരവധി ഇന്ത്യന്‍ വംശജര്‍ സിങ്കപ്പൂരിലുണ്ട്. ഏഷ്യയിലെ തന്നെ ഏറ്റവും കൂടുതല്‍ ആളുകള്‍ സന്ദര്‍ശിക്കുന്ന രാജ്യവുംകൂടിയാണ് സിംഗപ്പൂര്‍.
പ്രകൃതി സൗന്ദര്യത്തിന്റെ കാര്യത്തില്‍ കേരളവുമായി കട്ടക്ക് നില്‍ക്കുന്ന മറ്റൊരു ഏഷ്യന്‍ രാജ്യം. ബീച്ചുകള്‍ക്കും റിസോര്‍ട്ടുകള്‍ക്കും രാത്രി ജീവിതത്തിനും പേര് കേട്ട തായ്‌ലന്‍ഡ്. കണ്ടിട്ടും വീണ്ടും വീണ്ടും സഞ്ചാരികള്‍ കാണാനാഗ്രഹിക്കുന്ന പ്രിയ ഇടം. ലോക പ്രശസ്ത ഹണിമൂണ്‍ ഡെസ്റ്റിനേഷന്‍. കൂടുംബവുമായി യാത്ര ചെയ്യുന്നവരുടെ എണ്ണവും കൂടിവരുന്നു. ടിക്കറ്റ് നിരക്കും താരതമ്യേന കുറവാണ്.
ഇന്ത്യയുമായി ഭൂമിശാസ്ത്ര പരമായും സാംസ്‌കാരിക പരമായും അടുത്തു നില്‍ക്കുന്ന, സമുദ്രാതിര്‍ത്തി പങ്കിടുന്ന രാജ്യം. ആയിരക്കണക്കിന് വര്‍ഷം പഴക്കമുള്ള കോട്ടകള്‍ക്കും ക്ഷേത്രങ്ങള്‍ക്കും പുരാവസ്തു സ്മാരകങ്ങള്‍ക്കും പേരുകേട്ട ഇടം. മ ഇന്ത്യക്ക് പുറത്ത് ഏറ്റവും കൂടുതല്‍ തമിഴ് വംശജരുളള നാട്. കേരളത്തിലെ തേയിലക്കുന്നുകളോട് സമാനമായ പ്രദേശങ്ങള്‍ ശ്രീലങ്കയില്‍ ധാരാളമുണ്ട്. സ്‌കൂബാ ഡൈവിങ്, സ്നോര്‍ക്കലിങ് തുടങ്ങിയവക്ക് പ്രസിദ്ധമാണിവിടം.
