“Loy Krathong” – Thailand Festival
തായ്‌ലൻഡിൽ വെളിച്ചത്തിന്റെ ഉത്സവത്തിന് തിരി തെളിയാൻ സമയമായി. ഇന്ത്യയിലെ ദീപാവലിക്ക് സമാനമാണ് തായ്‌ലൻഡിലെ ലോയ് ക്രാത്തോങ്. “ഫ്ലോട്ടിംഗ് ബാസ്കറ്റ് ഫെസ്റ്റിവൽ” എന്നും ഇതിനെ വിളിക്കുന്നു.
ജലദേവതയായ ഫ്രാ മേ ഖോങ്ഖയ്ക്ക് ആദരാഞ്ജലികൾ അർപ്പിക്കാൻ ജലാശയങ്ങൾക്ക് സമീപം തായ്‌ലൻഡുകാർ ഒത്തുചേരുന്ന ചടങ്ങാണിത്.
ലോയി എന്നാൽ ‘ഫ്ലോട്ട് അഥവാ ഒഴുകുന്ന എന്നാണ് അർത്ഥം ക്രാത്തോങ് എന്നത് പൂക്കളാൽ അലങ്കരിച്ച കൊട്ടയാണ്. ക്രത്തോങ്ങിനെ വെള്ളത്തിലേക്ക് വിടുന്നതിലൂടെ ഉള്ളിലെ ദേഷ്യവും ദൗർഭാഗ്യവും ഉപേക്ഷിക്കുകയാണെന്ന് തായ് ജനത വിശ്വസിക്കുന്നു,
നവംബർ 15, 16 തീയതികളിൽ നദികളിലും കനാലുകളിലും തടാകങ്ങളിലും പൂക്കളാൽ അലങ്കരിച്ച ക്രാത്തോങ്ങുകൾ വെളിച്ചത്തോടെ ഒഴുകും. തായ് ജനതക്ക് ഇത് വിശ്വാസ ആചാരങ്ങളോട് കൂടി വലിയ ആഘോഷമാണ്. ഇതിന്റെ ഭാഗമായി പരമ്പരാഗത റാം വോങ് നൃത്ത പ്രകടനങ്ങൾ, ക്രത്തോങ് നിർമ്മാണ മത്സരങ്ങൾ, നോപ്പാമാസ് സൗന്ദര്യമത്സരം തുടങ്ങിയ സാംസ്കാരിക പരിപാടികളും പല സ്ഥലങ്ങളിലും സംഘടിപ്പിക്കും.
ഇതിനായി കുടുംബങ്ങൾ ഒത്തുചേരും, ഓരോരുത്തർക്കും അവരവരുടെ ആകൃതിയിലും വലിപ്പത്തിലും സവിശേഷമായ ക്രാത്തോങ്ങുകളാണ് നിർമ്മിക്കുക.
ക്രിസ്തുമസ് ആഘോഷങ്ങൾക്കായി ക്രിസ്തുമസ് ട്രീയും പുൽകൂടും വ്യത്യസ്ത ഉൽപന്നങ്ങളിൽ ലഭ്യമാകുന്നത് പോലെ ക്രാത്തോംഗുകൾ പല തരത്തിൽ വിപണിയിൽ ആവശ്യക്കാർക്ക് ലഭിക്കും.
നവംബർ മാസത്തിൽ നടക്കുന്ന ഈ ഉത്സവത്തോട് അനുബന്ധിച്ച് നിരവധി ഇന്ത്യക്കാരാണ് തായ്ലൻഡിലേക്ക് യാത്ര ചെയ്യുന്നത്. ബാങ്കോക്ക്, ചിയാങ് മായ്, പട്ടായ, ഫുക്കറ്റ്, കോ സാമുയി, ഹുവാ ഹിൻ, കോ ഫാംഗാൻ, ക്രാബി എന്നിവിടങ്ങളിലേക്കാണ് ഏറെയും സഞ്ചാരികൾ പോകുന്നത് .
ഫെസ്റ്റിവലിൻ്റെ ജന്മസ്ഥലമായ സുഖോത്തായി ലോയ് ക്രാത്തോങ്ങിനെ അഞ്ച് ദിവസത്തെ ചരിത്ര പുനരാവിഷ്കരണത്തോടെയാണ് കൊണ്ടാടുന്നത്. പരേഡുകളിലും സംഗീത പ്രകടനങ്ങളിലും എല്ലാവരും പങ്കെടുക്കും.
തായ്‍ലൻഡിൻ്റെ രണ്ടാമത്തെ പ്രധാന നഗരമായ ചിയാങ് മായിയിൽ ആയിരക്കണക്കിന് ആകാശ വിളക്കുകൾ പറത്തും. ബാങ്കോക്കിലും വലിയ ആഘോഷങ്ങളാണ് ഒരുങ്ങുന്നത്. അത് കൊണ്ട് തന്നെ നിരവധി യാത്രികരാണ് ഈ കാഴ്ച കാണാനായി മാത്രം നവംബറിൽ തായ്ലൻഡിലേക്ക് പറക്കുന്നത്.
തായ്‌ലന്‍ഡിലേക്ക് ഒരു ട്രിപ്പ് പോകണമെന്നുണ്ടോ? എങ്കിൽ മികച്ച യാത്രാ പാക്കേജുകൾക്കായി ഞങ്ങളുടെ സ്ഥാപനമായ Royal sky Holidays സുമായി ബന്ധപ്പെടാവുന്നതാണ് : +91 98465 71800.
